Hondarribia

Euskararen erabileraren inguruan mahai-ingurua egingo dute ostegunean kultur etxean

Euskaraldiaren edizio berri baten atarian, Blagan euskara elkartetik mahai-ingurua antolatu dute euskarak Hondarribian duen egoerari buruz hitz egiteko. Ostegunean burutuko da 19:00etatik aurrera Kultur Etxean.

Hizlariak Olatz Altuna (Soziolinguistika Klusterreko ikerlaria), Saioa Zabala (antropologoa) eta Mikeldi Zeberio (soziologoa) izango dira, eta gidaria Jaime Altuna.

Euskararen biziberritze prozesuan Hondarribian dauden erronkei begira jarriko dira, bertaratzen diren herritarren laguntzarekin. Olatz Altunak Hondarribiko datu soziolinguistikoen azterketa egingo du eta ondoren Hondarribian dauden hizkuntza-praktiken inguruan hausnartuko dute mahaikideek.

Garoa Lekuona Euskara zinegotziak esan duenez, «mahai-inguru honetan, lehenengo aldiz, euskarak Hondarribian duen erabileraren inguruko adituen hausnarketa ezberdinak entzuteko aukera izango dugu. Oso garrantzitsua iruditzen zait maila honetako informazioa herritar ororen eta udalaren esku ere jartzea, norberak eta herri bezala ere, euskararen erabileran eman ditzazkegun pausuak edota gakoak zeintzuk diren esango dizkigutelako. Blagan Elkartekoak eskertu nahi ditut mahai-inguru interesgarri hau antolatzeagatik».

Larunbatean goizeko 11:00etatik 14:00etara Euskaraldiaren mahai informatiboa San Pedro kalean izango da, eta herriko dantza eskolek Euskaraldiko musikarekin egokitutako koreografiak dantzatuko dituzte, euskararen erabilera eta kultura uztartuz. Parte hartuko dute ondorenho dantza eskolek: Gim Jazz, Basque Ballerina, Musika eta Dantza Eskola eta Pilar Peña Dantza Eskola.