Herri kros jendetsua Adunan

Jaietako lehen igandean ohitura den bezala, herri krossa antolatu zen Adunan. Bero sargoriari aurre eginez haur, gazte zein heldu ugari animatu ziren lasterketan parte hartzera. Txikienek hasi zuten krossa herri-guneari itzuli bat emanez eta ondoren gazteen txanda izan zen. Raúl Gomez izan zen irabazlea gizonezkoetan, Karen Ortiz de Guinea emakumezkoetan eta Nathaniel Hidalgo juniorretan.