Valentziako Generalitatearen eskertza jaso du Azpeitiko Batzokiak material bilketa egiteagatik

30 paletik gora batu zituzten jeltzaleek Azpeitian. Bertatik bertara Valentziako jendeak eskertu badie ere, orain, instituziotatik iritsi zaie errekomozimendua. Elikagaiak, arropak, higiene produktuak, garbiketa materiala eta bereziki haur zein adinekoentzako lehen beharretarako materiala bideratu zuten herritik.

Azpeitiko EAJ oso eskertuta dago herritarron erantzunagatik, eta Valentziatik jasotako aitortza herritarrekin partekatu nahi du, berriro, «herritar guztien lagutzarik gabe ekimena aurrera ateratzea ezinezkoa izango zelako» . Material bilketa garrantzitsuaren ondoren jeltzaleek eskertza oharra argitaratu bazuten ere, berriro eskertu nahi diete «norbanako, enpresa, merkatari, elkarte, gazte, heldu, erretiratu... Eta azpeitiar guztion laguntza, indarra eta gogoa ezinbestekoa izan zelako». Izan ere, «eskertza ez da EAJrentzat, guri iritsi bazaigu ere, aitortza Azpeitiari egin diote», azaldu dute.

Bidalketa egin ondoren, jeltzaleek gogoratu zuten basamortuko hondar aletxo bat modukoa izango zela Azpeitiko laguntza Valentzian gertatutako sarraskian, baina hori ere ezinbestekoa izango zutela, Generalitateak orain gogoratu duen moduan. Oraindik ere asko dago egiteko Valentzian, eta gertatutakoa ezin dela ahaztu azpimarratu du Azpeitiko Eusko Alderdi Jeltzaleak.