Igaralde martxan jarriko da maiatzaren 18an 'Erroten eguna' ospatzeko

Cristina Limia

Miércoles, 7 de mayo 2025, 11:52

Comenta

Gipuzkoako laugarren 'Erroten Eguna' ospatuko da maiatzaren 18an eta Lenburrek Igaralde errota martxan jarriko du, herrian dagoen altxor hau balioan jartzeko helburuarekin. Igaralde baserria eta bere Ogiaren Txokoa, Legazpiko Brinkola landa-auzo ederrean dago. Tibur Agirrek, Igaralde Goikoa baserriko jabeak, ogia egiteko prozesu tradizionaletik gidatuko ditu bisitariak: hazia erein, uzta bildu, irina lortu, orea egin eta laberatu. Aldi berean, euskal baserrien bizimodu tradizionala ezagutaraziko da eta azkenik, XVI. mendeko Igaralde errota zaharra martxan ipiniko da. Ekintza berezi hau goizeko 11:00etan izango da. Bertan aldez aurretik izena eman behar da www.lenbur.com web gunearen bitartez, 943730428 telefonora deituz edo [email protected] helbidera idatziz. Plaza mugatuak dira eta ekintzaren prezioa 4 eurokoa izango da.

Maiatzaren 18an bertan, Nazioarteko Museoen Eguna ospatzen da eta haurrekin tailer berezia egingo du Lenburrek Chillida Lantoki Museoan. Goizeko 11:00etan izango da eta parte-hartzea dohainekoa da. Hala ere, ezinbestekoa da eguna eta ordua erreserbatzea [email protected] helbidera idatziz edo 943730428 telefonora deituz. 'Espazioarekin jolasean: Asko esaten duten hutsuneak' izenburuko tailer hau Chillidaren grabitazioetan oinarritutako lan bat egitean datza, artearen beste ikuspegi bat ezagutzeko tailer bat da. Material sinpleak eta oinarrizko formak erabiliz, betetasunarekin, hutsunearekin eta mugimenduarekin jolasten duten konposizioak sortuko dituzte haurrek. Helburua Chillidak espazioa nola ikusten zuen ulertzea da, «ikusteko zerbait bezala ez ezik, sentitzeko zerbait bezala ere bai», azaltzen dute. Gainera, artistaren bitxikeria eta mania dibertigarri batzuk gogoratuko dituzte, haren lan egiteko modua hobeto ulertzeko. Pertsona bakoitzak artelanaren bere bertsioa egingo du, oreka eta arintasunaren bila.