Irun

«Aisialdi euskaltzale eta hezitzailean dibertitzeko aukera»

Solas Jolas programaren bidez, 500 neska-mutilek izango dute aurten «aisialdi euskaltzale eta hezitzailean dibertitzeko aukera izango dute», azpimarratu zuen Euskara arloko ordezkariak, Josu Iguiñiz. «Tailerrak, eskulanak edo eguneko txangoak» izango dira uda honetan burutuko dituzten ekintzetako batzuk. Bi txandetan banatuta (uztaila eta abuztua), ekimenaren onurak oporretan euskaraz hitz egiteko guneak eskaintzeaz haratago doa: udaleku hauek «aproposak dira ikastetxe berakoak ez diren beste haurrak ezagutu eta heuren hizkuntza ohituretan euskararen erabileran eragiteko».

Solas Jolas «urtetik urtera hobetuz doan» programa bezala definitu zuen Iguiñizek: «familien balorazioa oso positibo eta ona da, eta kudeaketa aldetik urte osoan zehar lan haundia eskatzen duen programa da, nahiz eta bi hilabetetan burutu. Euskararen erabileraren helburuari dagokionez, haren jarraipenari harreta gehiago jarri nahi diogu aurten», aurreratu zuen ordezkariak.