Elkano euskal planisferioa ezagutzeko saioak Alkizan

Aranzadi Zientzia Elkarteak sortu berri duen Elkano euskal planisferioa ezagutzeko eta zerua behatzeko saioak antolatu ditu irailaren 17rako Fagus Alkiza interpretazio-zentroak. Euskara hutsez idatzitako eta Euskal Herriko latitudean kokatutako lehena da, 43 graduko ipar paraleloan, Elkano marinelari keinu eginez. Hori bai, ez du soilik Euskal Herriko zerua behatzeko balio, 43 graduko ipar latitudean dagoen edozein puntutan erabil daiteke, baita hiruzpalau gradu iparralde edo hegoalderago ere. Beraz, besteak beste, Madril, Paris, New York edo Pekinerako ere balio du.

Virginia Garcia, Aranzadiko astronomoak planisferio bat zer den eta nola erabili behar den erakutsiko du aurkezpenean. Besteak beste, planisferioak jasangarritasunarekin lotura duela azalduko du, gizartea kutsadura luminikoaren inguruan kontzientziatzeko asmoz. Elkano planisferioa ezagutu ondoren, ikastitakoak praktikan jarriz, zerua behatzea proposatzen du Fagus Alkiza interpretazio-zentroak.

Aurkezpenean zein behaketan parte hartzeko ezinbestekoa da aurrez izena ematea. Antolatzaileek zehaztu dutenez, saio bakarrean ere izena eman daiteke. Horretarako, emaila [email protected] helbider elektronikora edo WhatsAppa 688 604 466 zenbakira bidaltzea eskatu dute, bi kasuetan irailak 16a arte, edukiera aurrez betetzen ez bada.

• Temas
• Juan Sebastián Elcano
• Alkiza
• Zabalik